Marcos 13:24-32

 Ang Santos nga Ebanghelyo sumala ni San Marcos 13:24-32 (Sun. Nov. 17, 2024)

“Sa panahon unya human sa kasakitan, mongitngit ang adlaw ug dili na modan-ag ang bulan. Mangahulog gikan sa langit ang mga bituon ug matay-og ang tibuok kalangitan. Unya diha sa mga panganod makita ang Anak sa Tawo nga moabot nga may gahom ug himaya. Ug sugoon Niya ang Iyang mga anghel ngadto sa tanang suok sa kalibotan aron tigumon ang piniling katawhan sa Dios gikan sa tanang dapit sa kalibotan. “Kuhai ninyo ug pagtulon-an ang kahoy'ng igera. Inigpanghumok na sa mga sanga niini ug mangudlot na kini, inyong masayran nga duol na ang ting-init. Sa samang paagi, inigkakita ninyo nga magsugod na kining mga panghitaboa masayran ninyo nga duol na gayod ang pagbalik sa Anak sa Tawo. Timan-i kini : kining tanan mahitabo sa dili pa mangamatay ang tanang tawo nga karon buhi pa. Ang langit ug ang yuta matapos apan ang Akong Pulong dili gayod mapakyas. “Apan walay nasayod kanus-a moabot kadtong adlawa o taknaa, bisan ang mga anghel sa langit, bisan gani ang Anak. Ang Amahan lamang maoy nasayod niini. 

Pamalandong :

KON INGNON KITA NGA MATAPOS NA ANG KALIBOTAN TULO KA ADLAW GIKAN KARON, UNSA MAY ATONG BUHATON ? 

Labing siguro, malisang kita ug matarantar. mag-ampo kita’g maayo, mangayo’g pasaylo sa Ginoo, ug makighiuli sa isigkatawo. Mahimo na kitang mahigugmaon ug manggihatagon ngadto sa mga kabos. Apan, ang pangutana mao kini : Ngano nga magpaabut pa man kita sa duol nga katapusan ? Ngano nga dili man nato buhaton ang angay'ng buhaton karon ? Sa eskuylahan, gitudloan kita nga dili na maghulat og ugma kon unsay atong mahimo karong adlawa. Busa, buhaton na nato ang sakto karon, ug dili na kita magpaabot pa’g ugma pohon. Higugmaon nato ang Dios karon, tabangan nato ang atong silingan karon, ug makighiuli kita sa mga kaaway karon. Sakto si Saint John Paul II: “Future starts today, not tomorrow.”

pohsibtebAyU


Mga Komento

Mag-post ng isang Komento

Mga sikat na post sa blog na ito

Marcos 8:27-35

Imahe
 Ang Santos nga Ebanghelyo sumala ni San Marcos 8:27-35 (Sun. Sept. 15, 2024 Ikakawhaag-Upat nga Domingo sa Ordinaryong Panahon) Unya si Jesus ug ang Iyang mga tinun-an miadto sa mga balangay sa Cesarea Filipo. Samtang naglakaw sila Iyang gipangutana ang Iyang mga tinun-an, “Kinsa man kuno Ako sumala sa mga tawo?” Mitubag sila, “Ang uban miingon nga Ikaw mao si Juan nga Magbubunyag. Ang uban usab miingon nga Ikaw mao si Elias. Ug miingon pa gayod ang uban nga Ikaw usa sa mga propeta.” Apan kamo, unsa may inyong ikasulti ? Kinsa man Ako ?” Nangutana si Jesus kanila. Ug mitubag si Pedro, “Ikaw mao ang Mesiyas.” Unya gidid-an sila ni Jesus sa pagpanugilon kang bisan kinsa mahitungod Kaniya. Unya gisuginlan ni Jesus ang Iyang mga tinun-an nga mag-antos pag-ayo ang Anak sa Tawo ug isalikway Siya sa mga pangulo sa mga Judio ingon man sa kadagkoan sa mga pari ug sa mga magtutudlo sa Balaod. Patyon Siya apan sa ikatulo ka adlaw mabanhaw. Gisulti Niya kini sa Iyang mga tinun-an sa walay lipudli
Magbasa nang higit pa

Marcos 12:28-34

Imahe
 Ang Santos nga Ebanghelyo sumala ni San Marcos 12:28-34 ( Sun. Nov. 3, 2024) Unya didtoy usa ka magtutudlo sa Balaod nga nakabati sa panaglalis nila. Nakita niya nga maayo ang pagkatubag ni Jesus sa mga Saduseo busa miduol siya Kaniya ug nangutana, “Unsa mang sugoa ang labing mahinungdanon sa tanan ?” Mitubag si Jesus, “Mao kini ang labing mahinungdanong sugo : ‘Pamati, Israel ! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog.' Ang sunod mao kini : ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” Ang magtutudlo sa Balaod miingon kang Jesus, “Husto kana, Magtutudlo ! Tinuod ang Imong gisulti nga ang Ginoo lamang maoy Dios ug wala nay laing Dios gawas Kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan,
Magbasa nang higit pa

Marcos 10:35-45

Imahe
 Ang Santos nga Ebanghelyo sumala ni San Marcos 10:35-45 (Sun. Oct. 20, 2024) Unya si Santiago ug si Juan nga mga anak ni Sebedeo miduol kang Jesus ug miingon, “Magtutudlo, aduna kami ipabuhat Kanimo.” “Unsa may ipabuhat ninyo Kanako ?” nangutana si Jesus kanila. Mitubag sila, “Kon molingkod Ka na unya sa Imong trono didto sa Imong gingharian nga mahimayaon, palingkora kami uban kanimo : ang usa sa Imong tuo ug ang usa sa Imong wala.” Miingon si Jesus kanila, “Wala kamoy kalibotan sa inyong gipangayo. Makainom ba kamo sa kupa sa pag-antos nga Akong imnan ? Makapabunyag ba kamo sa paagi nga Ako bunyagan ?” “Oo,” mitubag sila. Miingon si Jesus kanila, “Makainom gayod kamo sa kupa nga Akong imnan ug makapabunyag kamo sa paagi nga Ako bunyagan. Apan wala Akoy katungod sa pagpili kon kinsa ang palingkoron sa Akong tuo ug sa Akong wala. Ang Dios mao ang mohatag niining mga dapita ngadto sa gitagan-an niini.” Sa pagkabati niini sa napulo ka tinun-an, nangasuko sila kang Santiago ug kang Juan.
Magbasa nang higit pa