Mateo 23:23-26

 Ang Santos nga Ebanghelyo sumala ni San Mateo 23:23-26  (Tue. Aug. 27, 2024)

“Pagkaalaot ninyong mga magtutudlo sa Balaod ug kamong mga Pariseo ! Mga tigpakaaron-ingnon ! Naghatag kamo ngadto sa Dios sa ikapulong bahin bisan gani sa mga lamas sama sa herbabuyna, sa anis ug sa kaningag. Apan wala ninyo tumana ang mas importanteng mga pagtulon-an sa Balaod sama sa hustisya, kaluoy ug pagkamatinud-anon. Angay unta nga buhaton ninyo kini sa walay pagbiya sa ubang pagtulon-an. Mga giya nga buta ! Salaon ninyo ang lagong nga anaa sa inyong ilimnon apan lamyon ninyo ang kamelyo ! “Pagkaalaot ninyong mga magtutudlo sa Balaod ug kamong mga Pariseo ! Mga tigpakaaron-ingnon ! Gilimpyohan ninyo ang gawas nga bahin sa inyong baso ug plato apan ang sulod napuno sa inyong mga kinuha pinaagi sa panlupig ug kahakog. Mga Pariseo nga buta ! Limpyohi una ninyo ang sulod sa baso ug plato ug malimpyo usab ang gawas niini !

Pamalandong :

UNSA MAN NGA MATANG SA HALAD ANG MAKALIPAY SA DIOS ? 

Ang paghalad og “tithes” (dies porsento sa abot sa yuta o sa negosyo) ngadto sa templo maoy usa ka pagtulon-an nga gikan sa Balaang Kasulatan. Kini usa ka pag-ila nga ang Dios maoy angay natong unahon tungod kay Siya man ang tuboran sa tanang kaayohan. Ang paghatag og “tithes” maoy atong paagi sa pagpasalamat sa Dios sa mga grasya nga Iyang gihatag kanato matag karon ug unya. Ang pagdala'g halad ngadto sa templo mahimong bililhon kon kini ubana’g gugma para sa isigkatawo. Diha sa Ebanghelyo gitawag ni Jesus og “tigpakaaron-ingnon” ang mga Pariseo tungod kay haloyo sa ilang makanunayong paghalad og dies porsento sa ilang abot, nagkulang sila sa mga buhat sa kalooy, gugma ug hustisya, nga maoy labing bililhon sa mga mata sa Dios. Matod pa sa sulti ni Navonne Johns," A person's character is shown through their actions in life NOT where they sit on Sunday.

pohsiBtebAyU