Mateo 15:21-28

 Ang Santos nga Ebanghelyo sumala ni San Mateo 15:21-28 (Wed. Aug. 7, 2024)

Unya mibiya si Jesus niadtong dapita ug miadto sa kayutaan duol sa mga siyudad sa Tiro ug sa Sidon. Usa ka babaye nga taga-Canaan nga nagpuyo niadtong dapita ang miduol Kaniya ug nagpakiluoy, “Ginoo, Anak ni David, kaluy-i intawon ako ! Ang akong anak nga babaye giyawaan ug nag-antos pag-ayo.” Apan wala motubag si Jesus. Miduol ang Iyang mga tinun-an Kaniya ug miingon, Papahawaa siya kay nagsunodsunod siya kanato ug saba kaayo !” Unya mitubag si Jesus, “Gipadala Ako ngadto lamang sa nawalang mga karnero sa nasod sa Israel.” Apan miduol ang babaye ug miluhod sa atubangan ni Jesus. “Ginoo, tabangi intawon ko,” miingon siya. Si Jesus mitubag, “Dili maayo nga kuhaon ang pagkaon sa mga anak aron ipakaon sa mga iro.” Ang babaye mitubag, “Tinuod kana, Ginoo, apan bisan gani ang mga iro makakaon man sa mga mumho nga mahulog gikan sa lamisa sa agalon.” Ug si Jesus mitubag kaniya, “Babaye, pagkadako sa imong pagsalig ! Matuman ang imong gihangyo.” Ug niadto gyod dayong gutloa naayo ang iyang anak.

Pamalandong :

MALUWAS BA ANG TAWO BISAG DILI SIYA KATOLIKO ?  

Sa atong  Ebanghelyo karon, si Kristo mismo mipakita nga ang Dios maluoy gyod sa tanan nga mosangpit Kaniya. Iyang gihatag ang gipangayo sa usa ka inahan nga hentil nga nangaliyupo para sa kaayohan sa iyang anak nga masakiton. Dili ikalilong nga ang mga tawo niadtong unang panahon ug hangtod karon, nag-antus sa nagkalainlaing mga balatian ug lakip na niini mao ang sakit nga pisikal, sosyal, moral, sikolohikal, espirituwal, ug uban pa. Busa sagad kanila mangita gayod ug mga pamaagi aron maangkon nila ang kahupayan sa ilang balatian. Ug pinasikad niining maong panghitabo, atong masabtan nga ang kaluwasan dili lamang iya sa usa ka relihiyon kondili alang sa tanan nga buot luwason sa Dios. Matod pa ni Santosh Kalwar, "Love has no culture, no boundaries, race and religion. It is pure and beautiful like the moon's reflection in a quiet lake.

pohsiBtebAyU


Mga Komento

Mag-post ng isang Komento

Mga sikat na post sa blog na ito

Marcos 8:27-35

Imahe
 Ang Santos nga Ebanghelyo sumala ni San Marcos 8:27-35 (Sun. Sept. 15, 2024 Ikakawhaag-Upat nga Domingo sa Ordinaryong Panahon) Unya si Jesus ug ang Iyang mga tinun-an miadto sa mga balangay sa Cesarea Filipo. Samtang naglakaw sila Iyang gipangutana ang Iyang mga tinun-an, “Kinsa man kuno Ako sumala sa mga tawo?” Mitubag sila, “Ang uban miingon nga Ikaw mao si Juan nga Magbubunyag. Ang uban usab miingon nga Ikaw mao si Elias. Ug miingon pa gayod ang uban nga Ikaw usa sa mga propeta.” Apan kamo, unsa may inyong ikasulti ? Kinsa man Ako ?” Nangutana si Jesus kanila. Ug mitubag si Pedro, “Ikaw mao ang Mesiyas.” Unya gidid-an sila ni Jesus sa pagpanugilon kang bisan kinsa mahitungod Kaniya. Unya gisuginlan ni Jesus ang Iyang mga tinun-an nga mag-antos pag-ayo ang Anak sa Tawo ug isalikway Siya sa mga pangulo sa mga Judio ingon man sa kadagkoan sa mga pari ug sa mga magtutudlo sa Balaod. Patyon Siya apan sa ikatulo ka adlaw mabanhaw. Gisulti Niya kini sa Iyang mga tinun-an sa walay lipudli
Magbasa nang higit pa

Marcos 12:28-34

Imahe
 Ang Santos nga Ebanghelyo sumala ni San Marcos 12:28-34 ( Sun. Nov. 3, 2024) Unya didtoy usa ka magtutudlo sa Balaod nga nakabati sa panaglalis nila. Nakita niya nga maayo ang pagkatubag ni Jesus sa mga Saduseo busa miduol siya Kaniya ug nangutana, “Unsa mang sugoa ang labing mahinungdanon sa tanan ?” Mitubag si Jesus, “Mao kini ang labing mahinungdanong sugo : ‘Pamati, Israel ! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog.' Ang sunod mao kini : ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” Ang magtutudlo sa Balaod miingon kang Jesus, “Husto kana, Magtutudlo ! Tinuod ang Imong gisulti nga ang Ginoo lamang maoy Dios ug wala nay laing Dios gawas Kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan,
Magbasa nang higit pa

Marcos 10:35-45

Imahe
 Ang Santos nga Ebanghelyo sumala ni San Marcos 10:35-45 (Sun. Oct. 20, 2024) Unya si Santiago ug si Juan nga mga anak ni Sebedeo miduol kang Jesus ug miingon, “Magtutudlo, aduna kami ipabuhat Kanimo.” “Unsa may ipabuhat ninyo Kanako ?” nangutana si Jesus kanila. Mitubag sila, “Kon molingkod Ka na unya sa Imong trono didto sa Imong gingharian nga mahimayaon, palingkora kami uban kanimo : ang usa sa Imong tuo ug ang usa sa Imong wala.” Miingon si Jesus kanila, “Wala kamoy kalibotan sa inyong gipangayo. Makainom ba kamo sa kupa sa pag-antos nga Akong imnan ? Makapabunyag ba kamo sa paagi nga Ako bunyagan ?” “Oo,” mitubag sila. Miingon si Jesus kanila, “Makainom gayod kamo sa kupa nga Akong imnan ug makapabunyag kamo sa paagi nga Ako bunyagan. Apan wala Akoy katungod sa pagpili kon kinsa ang palingkoron sa Akong tuo ug sa Akong wala. Ang Dios mao ang mohatag niining mga dapita ngadto sa gitagan-an niini.” Sa pagkabati niini sa napulo ka tinun-an, nangasuko sila kang Santiago ug kang Juan.
Magbasa nang higit pa