Mateo 5:33-37

 Ang Santos nga Ebanghelyo sumala ni San Mateo 5:33-37 (Sat. June 15, 2024)

“Nakadungog usab kamo nga giingnan ang atong katigulangan kaniadto, ‘Ayaw pakyasa ang imong panaad kondili tumana ang imong gipanumpa ngadto sa Ginoo.’ Apan karon sultihan Ko kamo : ayaw gayod panumpa kon mosaad ka ; ayaw panumpa sa langit kay ang langit mao ang trono sa Dios o sa yuta, kay ang yuta mao ang Iyang tumbanan o sa Jerusalem kay kini mao ang siyudad sa halangdong Hari. Ayaw kamo panumpa bisan gani sa inyong ulo kay dili man kamo makapaputi o makapaitom sa usa ka lugas nga buhok. Ingna lamang ‘Oo’ kon ‘oo’ o ‘Dili’ kon ‘dili’, kay kon may mosobra pa niini, kana gikan na sa yawa.

Pamalandong :

KANUS-A MAN KITA ANGAY NGA MOSULTI O MOTINGOG ? 

Sa pagtudlo mahitungod sa moralidad sa paghimo og panaad, si Jesus miingon, “Ingna lamang ‘Oo’ o ‘Dili’, kay kon may mokapin pa niini, kana gikan na sa yawa.” Para sa Ginoo, ang kamatinud-anon dili masukod sa gidaghanon sa mga pulong kondili sa mga buhat nga tinuklod sa maayong kasingkasing. Ang atong dila kinahanglan atong disiplinahon ug dili pasagdan. Daghang panahon nga kini mobungat og mga pulong nga dili tinuod, dili kinahanglanon, ug walay paghunahuna sa epekto ngadto sa mga tawo. Nindot ang pahimangno nga nag-ingon : “Before you speak let your words pass through three gates. At the first gate, ask yourself : ‘Is it true ?’ At the second ask : ‘Is it necessary ?’ Then, at the third ask : ‘Is it kind ?’

pohsiBtebAyU