Mateo 5:17-19

 Ang Santos nga Ebanghelyo sumala ni San Mateo 5:17-19 (Wed. June 12, 2024)

“Ayaw ninyo hunahunaa nga mianhi Ako aron pagsalikway sa Balaod ni Moises ug sa mga pagtulon-an sa mga propeta. Wala Ako moanhi aron pagsalikway niini kondili aron pagtuman hinuon sa hustong kahulogan. Timan-i kini : samtang anaa pa ang langit ug ang yuta, bisan ang labing gamay nga kudlit o ang labing diyutay nga bahin sa Balaod, dili gayod mahanaw hangtod matuman ang tanan. Busa ang dili magtuman bisan sa labing gamayng bahin sa kasugoan ug magtudlo sa uban sa pagbuhat sa ingon, mahimong labing ubos sa Gingharian sa langit. Apan ang magtuman sa Balaod ug magtudlo sa uban sa pagbuhat sa ingon mahimong dako sa Gingharian sa langit. 

Pamalandong :

UNSA MAN ANG KATUYOAN SA MGA BALAOD SA DIOS ? 

Atong masabtan diha sa atong mga pagbasa nga ang mga Balaod sa Dios gisangon kang Moises aron mogiya sa katawhan sa ilang paglawig ngadto sa Yutang Gisaad. Ang mga Balaod maghimo kanilang maalamon ug masinabuton, timaan nga sila katawhan sa Dios. Diha sa Ebanghelyo, si Jesus miingon nga ang magtuman sa kasugoan ug magtudlo sa uban sa pagbuhat sa ingon pagailhon nga labing dako sa Gingharian sa Langit. Kini unta maoy magdasig kanato sa paghunahuna sa Balaod isip giya, dili babag, sa atong pagpaduol sa Dios. Sakto ang gisulti ni Saint John Of The Cross, " God is more pleased to behold the lowest degree of obedience, for His sake, than all other good works which you can possibly offer to Him.” Mahimoot ang Dios nga magsud-ong kanila nga bisan tood ug anaa sa ubos nga ang-ang ang pagkamasulundon, nagatuman sa Iyang mando, kaysa  laing maayong buhat nga mahimo natong ikatanyag Kaniya.”

pohsiBtebAyU