Marcos 1:21-28

 Ang Santos nga Ebanghelyo sumala ni San Marcos 1:21-28 (Tue. Jan. 9, 2024)

Uonya miabot sila sa lungsod sa Capernaum. Pag-abot sa Adlawng Igpapahulay misulod si Jesus sa sinagoga ug nagtudlo. Ang  mga tawo nga nakabati Kaniya natingala tungod sa Iyang pagpanudlo nga may awtoridad ug dili sama sa mga magtutudlo sa Balaod. Unya may tawo nga giyawaan nga misulod sa sinagoga ug misinggit, “Unsay Imong tuyo kanamo, Jesus nga Nazaretnon ? Mianhi Ka ba aron paglaglag kanamo ? Nakaila ako nga Ikaw mao ang Balaang Sinugo sa Dios !” Apan gibadlong ni Jesus ang yawa, “Hilom ! Gula nianang tawhana !” Gipakurog sa yawa ang tawo, unya misinggit kinig kusog ug migula. Hilabihang kahibulong sa mga tawo nga nagpangutan-anay, “Unsa ba kini ? Bag-ong pagtulon-an ? Kining tawhana adunay gahom sa pagsugo sa mga yawa ug sila motuman Kaniya !” Busa mikaylap dayon sa tanang dapit sa Galilea ang balita mahitungod kang Jesus.

Pamalandong :

UNSA MAN NGA MATANG ANG PAG-ILA NATO KANG KRISTO ? 

Atong bantayan nga diha sa Ebanghelyo karon bisan ang yawa miila sa awtoridad ni Kristo. “Nakaila ako nga Ikaw mao ang Balaang Sinugo sa Dios”, ang yawa miingon. Pero, atong masabtan nga kining pag-ila sa yawa kang Kristo giubanan dili sa pagtoo kondili sa kahadlok. Nasayod ang yawa nga si Kristo adunay gahum sa pagpahawa kaniya, apan wala kini magtinguha sa pagsunod Kaniya. Ang pag-ila diay sa pagka-Dios ni Kristo dili garantiyang maghimo sa tawo nga tinood nga sumusunod. Mag-ampo kita nga ang atong kahibalo ug pag-ila kang Kristo magdala kanato sa tinood nga pagtoo ug maghimo kanatong masaligon sa Iyang makanunayong gugma ug pag-amoma. Atong hinumduman ang ginaingon ni J. I. Packer," There’s a difference between knowing God and knowing about God. When you truly know God, you have energy to serve Him, boldness to share Him, and contentment in Him.

pohsiBtebAyU


Mga Komento

Mag-post ng isang Komento

Mga sikat na post sa blog na ito

Marcos 8:27-35

Imahe
 Ang Santos nga Ebanghelyo sumala ni San Marcos 8:27-35 (Sun. Sept. 15, 2024 Ikakawhaag-Upat nga Domingo sa Ordinaryong Panahon) Unya si Jesus ug ang Iyang mga tinun-an miadto sa mga balangay sa Cesarea Filipo. Samtang naglakaw sila Iyang gipangutana ang Iyang mga tinun-an, “Kinsa man kuno Ako sumala sa mga tawo?” Mitubag sila, “Ang uban miingon nga Ikaw mao si Juan nga Magbubunyag. Ang uban usab miingon nga Ikaw mao si Elias. Ug miingon pa gayod ang uban nga Ikaw usa sa mga propeta.” Apan kamo, unsa may inyong ikasulti ? Kinsa man Ako ?” Nangutana si Jesus kanila. Ug mitubag si Pedro, “Ikaw mao ang Mesiyas.” Unya gidid-an sila ni Jesus sa pagpanugilon kang bisan kinsa mahitungod Kaniya. Unya gisuginlan ni Jesus ang Iyang mga tinun-an nga mag-antos pag-ayo ang Anak sa Tawo ug isalikway Siya sa mga pangulo sa mga Judio ingon man sa kadagkoan sa mga pari ug sa mga magtutudlo sa Balaod. Patyon Siya apan sa ikatulo ka adlaw mabanhaw. Gisulti Niya kini sa Iyang mga tinun-an sa walay lipudli
Magbasa nang higit pa

Marcos 12:28-34

Imahe
 Ang Santos nga Ebanghelyo sumala ni San Marcos 12:28-34 ( Sun. Nov. 3, 2024) Unya didtoy usa ka magtutudlo sa Balaod nga nakabati sa panaglalis nila. Nakita niya nga maayo ang pagkatubag ni Jesus sa mga Saduseo busa miduol siya Kaniya ug nangutana, “Unsa mang sugoa ang labing mahinungdanon sa tanan ?” Mitubag si Jesus, “Mao kini ang labing mahinungdanong sugo : ‘Pamati, Israel ! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog.' Ang sunod mao kini : ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” Ang magtutudlo sa Balaod miingon kang Jesus, “Husto kana, Magtutudlo ! Tinuod ang Imong gisulti nga ang Ginoo lamang maoy Dios ug wala nay laing Dios gawas Kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan,
Magbasa nang higit pa

Marcos 10:35-45

Imahe
 Ang Santos nga Ebanghelyo sumala ni San Marcos 10:35-45 (Sun. Oct. 20, 2024) Unya si Santiago ug si Juan nga mga anak ni Sebedeo miduol kang Jesus ug miingon, “Magtutudlo, aduna kami ipabuhat Kanimo.” “Unsa may ipabuhat ninyo Kanako ?” nangutana si Jesus kanila. Mitubag sila, “Kon molingkod Ka na unya sa Imong trono didto sa Imong gingharian nga mahimayaon, palingkora kami uban kanimo : ang usa sa Imong tuo ug ang usa sa Imong wala.” Miingon si Jesus kanila, “Wala kamoy kalibotan sa inyong gipangayo. Makainom ba kamo sa kupa sa pag-antos nga Akong imnan ? Makapabunyag ba kamo sa paagi nga Ako bunyagan ?” “Oo,” mitubag sila. Miingon si Jesus kanila, “Makainom gayod kamo sa kupa nga Akong imnan ug makapabunyag kamo sa paagi nga Ako bunyagan. Apan wala Akoy katungod sa pagpili kon kinsa ang palingkoron sa Akong tuo ug sa Akong wala. Ang Dios mao ang mohatag niining mga dapita ngadto sa gitagan-an niini.” Sa pagkabati niini sa napulo ka tinun-an, nangasuko sila kang Santiago ug kang Juan.
Magbasa nang higit pa