Lukas 1:26-38/1:39-47

 Ang Santos nga Ebanghelyo sumala ni San Lukas 1:26-38 /1:39-47 (Tue. Dec. 12, 2023)

Unya nangandam si Maria ug midali pag-adto sa usa ka lungsod sa kabukiran sa Judea. Miadto siya sa balay ni Zacarias ug nakighimamat kang Elisabet. Sa pagkabati ni Elisabet sa pangomusta ni Maria, milihok ang bata sulod sa iyang tiyan. Unya napuno sa Espiritu Santo si Elisabet ug misulti sa kusog nga tingog, “Bulahan ka sa tanang mga babaye! Bulahan ang bata nga imong ipanganak ! Pagkadako sa akong kalipay nga ang inahan sa akong Ginoo miduaw kanako ! Kay pagkadungog ko gayod sa imong pangomusta, milukso sa kalipay ang bata nga akong gisabak. Bulahan ka nga mituo nga matuman gayod ang mensahe sa Ginoo kanimo !” Unya miingon si Maria, “Nagdayeg sa Ginoo ang akong kalag, ug nagmalipayon ako diha sa Dios nga akong Manluluwas.

Pamalandong :

KINSA MAN ANG BIRHEN SA GUADALUPE ? 

Siya ang misteryosong Babaye nga nagpakita sa usa ka ordinaryong mag-uuma nga ginganlag Juan Diego didto sa Tepeyac, bukid sa Guadalupe, Mexico City niadtong tuig 1531. Ang Babaye nagpaila nga siya ang Birheng Maria, inahan sa matuod nga Dios, ug buot niya nga magpatukod og Simbahan didto sa maong dapit. Aron ang Arsobispo motuo sa iyang pinadalang mensahero, ang Mahal nga Birhen naghatag kang Juan Diego og duha ka timaan: Una, ang pagkaayo sa iyang uyoan gikan sa grabeng sakit; ug ikaduha, ang mga Castillan roses, bulak nga wala sa Mexico niadtong panahona, nga iyang gipupo sa Tepeyac ug gidala sa tiilan sa arsobispo. Didto sa nuog nga iyang gipustan sa mga bulak, milagrosong nilakra ang hulagway sa Birhen sa Guadalupe, nga hangtod karon wala pa mapapas.

pohsiBtebAyU