Mateo 22:15-21

 Ang Santos nga Ebanghelyo sumala ni San Mateo 22:15-21 (Sun. Oct. 22, 2023)

Ang mga Pariseo nagtigom ug nagsabot sa pagbitik kang Jesus pinaagi sa mga pangutana. Unya gipadala nila ngadto kang Jesus ang pipila sa ilang mga tinun-an ug uban sa mga sakop sa pundok ni Herodes. Miingon sila, “Magtutudlo, nasayod kami nga dili Ka mamakak. Nagtudlo Ka sa matuod mahitungod sa kabubut-on sa Dios alang sa tawo. Dili Ka manumbaling sa gihunahuna sa mga tawo kay dili Ka man magsapayan kon kinsa sila. Busa sultihi kami kon unsa ang Imong hunahuna: supak ba sa atong Balaod ang pagbayad ug buhis ngadto sa Emperador sa Roma o dili ?” Apan nasayod si Jesus sa ilang daotang tuyo busa miingon Siya, “ Mga tigpakaaron-ingnon ! Nganong inyo man gyod Kong sulayan ? Ipakita Kanako ang kuwarta nga ibayad sa buhis !” Busa gipakita nila ang kuwarta ug nangutana Siya kanila, “Kang kinsa mang nawong ug ngalan ang ania dinhi ?” Sa Emperador,” mitubag sila. Busa si Jesus miingon kanila, “Kon mao kana, ihatag ngadto sa Emperador ang iya sa Emperador ug ngadto sa Dios ang iya sa Dios.”

Pamalandong :

UNSA MAY ANGAY NATONG UNAHON ? 

Ang atong katungdanan ba ngadto sa panggamhanan o ngadto sa Dios ?  Si Jesus nag-ingon : “Ihatag kang Cesar ang para kang Cesar ; ihatag sa Dios ang para sa Dios.” Dinhi, gipasabut ni Jesus nga isip mga lumulupyo sa kalibutan, aduna kitay mga obligasyon sa gobyerno sama sa pagbayad og buhis para sa pagpadagan ug kalambo-an sa katawhan. Dili maayo kon kita molikay o dili mobayad og saktong buhis ngadto sa gobyerno. Apan, ang atong obligasyon sa gobyerno angay nga ipaubos kun itandi kini sa atong obligasyon sa Dios, nga maoy atong Labaw’ng Hari. Ihatag nato sa Dios ang para Kaniya sama sa katarong, hustisya ug kaangayan. Busa, kon ang usa ka gobyerno maghimo’g programa o  balaod nga dili subay sa kabubut-on sa Dios, mawad-an kini'g kredibilidad ug dili na angay’ng sundon. Adunay pagtulon-an nga naga ingon, " Stop planting flowers in peoples' yards who are not going to water them."

pohsiBtebAyU