Lukas 6:12-16

 Ang Santos nga Ebanghelyo sumala ni San Lukas 6:12-16 (Sat. Oct. 28, 2023)

Niadtong panahona mitungas si Jesus sa usa ka bungtod aron pag-ampo ug sa tibuok gabii nag-ampo Siya sa Dios. Sa pagkabuntag na, gitawag Niya ang Iyang mga tinun-an ug gipili Niya ang 12 kanila nga ginganlan Niya'g apostoles : si Simon (nga Iyang ginganla'g Pedro) ug ang iyang igsoon nga si Andres, si Santiago ug si Juan, si Felipe ug si Bartolome, si Mateo ug si Tomas, si Santiago nga anak ni Alfeo ug si Simon (ang gitawag nga Patriyota), si Judas nga anak ni Santiago ug si Judas Iscariote, ang nahimong mabudhion.

Pamalandong :

KINSA MAN ANG ANGAYAN NGA MOSILBI SA GINOO UG SA IYANG SIMBAHAN ? 

Sa pagkatinuod, walay bisan usa nga angayan moalagad sa Dios tungod kay kitang tanan makasasala man ug adunay kakulangon. Pero, adunay panultihon nga nag-ingon, “God does not call the qualified. He qualifies the called.” Nga sa ato pa, ang Ginoo, nga maoy nagdapit kanato sa pagpangalagad, maoy maghimo kanatong angayan. Ang Ginoo nagpili og mga ordinaryong tawo nga mahimong apostoles aron ipakita kon unsay Iyang mahimo sa mga tawo nga motubag sa Iyang pagdapit ug andam nga moalagad. Kining Ebanghelyo karon magdasig kanato nga dili mobalibad kon kita dapiton sa Dios nga mahimong alagad sa Iyang Simbahan. Hinumduman nato nga ang Dios wala mangita'g  perpekto nga tawo, kondili mga tawo nga andam mosunod sa Iyang kabubut-on. Sakto ang gisulti ni Kay Arthur," So many times we say that we can't serve God because we aren't whatever is needed. We're not talented enough or smart enough or whatever. But if you are in covenant with Jesus Christ, He is responsible for covering your weaknesses, for being your strength. He will give you His abilities for your disabilities."

pohsiBtebAyU