Lukas 13:18-21

 Ang Santos nga Ebanghelyo sumala ni San Lukas 13:18-21 (Tue. Oct. 31, 2023)

Si Jesus miingon, “Sama sa unsa man ang Paghari sa Dios ? Ug sa unsa Ko man kini itandi ? Kini sama sa usa ka liso sa mustasa nga gipugas sa usa ka tawo sa iyang uma. Miturok kini ug nahimong kahoy ug nagsalag ang mga langgam diha sa mga sanga niini.” Unya nangutana pag-usab si Jesus, “Sa unsa Ko ba itandi ang paghari sa Dios ? Sama kini sa igpapatubo sa pan nga gikuha sa usa ka babaye ug gisagol sa usa ka takos nga harina hangtod mitubo ang tibuok minasa.”

Pamalandong :

UNSA MAY HAGIT SA SAMBINGAY SA LISO SA MUSTASA ? 

Sa iyang damgo, si Berto gisuroy sa Ginoo didto sa Langit. Didto iyang nakita nga naghinobra ang gugma ug kalinaw. Nangutana si Berto: “Ginoo, pwede bang magdala ko’g gugma ug kalinaw ngadto sa among lugar kay dako kaayo mi’g panginahanglan niini”. Ug nitubag ang Ginoo : “Berto, dili man Ko mohatag og mga bunga. Ang akong mahatag nimo mga liso ra. Kamo na ang mahibalong magtanum ug mag-amping niini aron motubo ug mamunga.” Ang sambingay sa Liso sa Mustasa nagtudlo nga ang Paghari sa Dios – puno sa gugma ug kalinaw – gihatag sa Ginoo kanato ingo’g mga liso. Anaa kanato ang tahas sa pagtanum ug pagpalambo niini. Adunay nag-ingon : “Plant seeds of happiness, hope, success and love ; it will all come back to you in abundance. Such is the law of nature.”

pohsiBtebAyU