Mateo 19:16-22

 Ang Santos nga Ebanghelyo sumala ni San Mateo 19:16-22 (Mon. Aug. 21, 2023)

Usa niana ka higayon, may miduol kang Jesus ug nangutana Kaniya, “Magtutudlo, unsa may maayo nakong buhaton aron maangkon nako ang kinabuhing dayon ?”Si Jesus mitubag, “Nganong nangutana ka man Kanako kon unsa ang maayo ? Usa ray maayo, ang Dios lamang. Tumana ang mga sugo kon buot ka mosulod sa kinabuhi.” Siya nangutana, “Unsang mga sugoa ?” Si Jesus mitubag, “Ayaw pagpatay ; ayaw panapaw ; ayaw pangawat ; ayaw pamakak ; tahora ang imong amahan ug inahan ; ug higugmaa ang imong isigkatawo sama sa imong kaugalingon.” Ang batan-on mitubag, “Gituman ko kining tanan. Unsa pa may kinahanglan kong buhaton ?” Ug miingon si Jesus kaniya, “Kon gusto kang mahingpit, lakaw ug ibaligya ang tanan mong katigayonan. Ihatag ang halin ngadto sa mga kabos ug makabaton ka'g mga bahandi didto sa langit. Unya balik nganhi ug sunod Kanako.” Sa pagkadungog niini sa batan-on milakaw siya nga masulob-on kay dato man kaayo siya.

Pamalandong :

UNSA MAY ANGAY NATONG BUHATON ARON MAANGKON ANG KINABUHING DAYON ?

Kining maong pangutanaha importante kaayo ug angay nga ang tubag niini masayran sa kada tawo. Diha sa ebanghelyo gipasabot ni Jesus sa batan-ong lalaki nga ang pagsunod sa mga kasugoan sa Dios kinahanglang buhaton aron maangkon ang kaluwasan. Pinaagi niini, atong mapakita nga kita adunay dakong pagtahod sa Dios nga maoy manulonda sa Balaod. Apan dili lang kini mao. Ang pagsunod sa mga kasugoan kinahanglan nga atong ubanan og kasingkasing nga andam mobiya sa tanan aron sa pag-alagad sa Dios ug sa mga kabos. Pinaagi niini, atong mapadayag nga kita dili ulipon sa bahandi, ug nga ang Gingharian sa Dios mao gayod ang atong ginamithi. Nindot ang giingon : “When we have nothing left but God, we discover that God is enough.”

pohsiBtebAyU


Mga Komento

Mag-post ng isang Komento

Mga sikat na post sa blog na ito

Marcos 8:27-35

Imahe
 Ang Santos nga Ebanghelyo sumala ni San Marcos 8:27-35 (Sun. Sept. 15, 2024 Ikakawhaag-Upat nga Domingo sa Ordinaryong Panahon) Unya si Jesus ug ang Iyang mga tinun-an miadto sa mga balangay sa Cesarea Filipo. Samtang naglakaw sila Iyang gipangutana ang Iyang mga tinun-an, “Kinsa man kuno Ako sumala sa mga tawo?” Mitubag sila, “Ang uban miingon nga Ikaw mao si Juan nga Magbubunyag. Ang uban usab miingon nga Ikaw mao si Elias. Ug miingon pa gayod ang uban nga Ikaw usa sa mga propeta.” Apan kamo, unsa may inyong ikasulti ? Kinsa man Ako ?” Nangutana si Jesus kanila. Ug mitubag si Pedro, “Ikaw mao ang Mesiyas.” Unya gidid-an sila ni Jesus sa pagpanugilon kang bisan kinsa mahitungod Kaniya. Unya gisuginlan ni Jesus ang Iyang mga tinun-an nga mag-antos pag-ayo ang Anak sa Tawo ug isalikway Siya sa mga pangulo sa mga Judio ingon man sa kadagkoan sa mga pari ug sa mga magtutudlo sa Balaod. Patyon Siya apan sa ikatulo ka adlaw mabanhaw. Gisulti Niya kini sa Iyang mga tinun-an sa walay lipudli
Magbasa nang higit pa

Marcos 12:28-34

Imahe
 Ang Santos nga Ebanghelyo sumala ni San Marcos 12:28-34 ( Sun. Nov. 3, 2024) Unya didtoy usa ka magtutudlo sa Balaod nga nakabati sa panaglalis nila. Nakita niya nga maayo ang pagkatubag ni Jesus sa mga Saduseo busa miduol siya Kaniya ug nangutana, “Unsa mang sugoa ang labing mahinungdanon sa tanan ?” Mitubag si Jesus, “Mao kini ang labing mahinungdanong sugo : ‘Pamati, Israel ! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog.' Ang sunod mao kini : ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” Ang magtutudlo sa Balaod miingon kang Jesus, “Husto kana, Magtutudlo ! Tinuod ang Imong gisulti nga ang Ginoo lamang maoy Dios ug wala nay laing Dios gawas Kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan,
Magbasa nang higit pa

Marcos 10:35-45

Imahe
 Ang Santos nga Ebanghelyo sumala ni San Marcos 10:35-45 (Sun. Oct. 20, 2024) Unya si Santiago ug si Juan nga mga anak ni Sebedeo miduol kang Jesus ug miingon, “Magtutudlo, aduna kami ipabuhat Kanimo.” “Unsa may ipabuhat ninyo Kanako ?” nangutana si Jesus kanila. Mitubag sila, “Kon molingkod Ka na unya sa Imong trono didto sa Imong gingharian nga mahimayaon, palingkora kami uban kanimo : ang usa sa Imong tuo ug ang usa sa Imong wala.” Miingon si Jesus kanila, “Wala kamoy kalibotan sa inyong gipangayo. Makainom ba kamo sa kupa sa pag-antos nga Akong imnan ? Makapabunyag ba kamo sa paagi nga Ako bunyagan ?” “Oo,” mitubag sila. Miingon si Jesus kanila, “Makainom gayod kamo sa kupa nga Akong imnan ug makapabunyag kamo sa paagi nga Ako bunyagan. Apan wala Akoy katungod sa pagpili kon kinsa ang palingkoron sa Akong tuo ug sa Akong wala. Ang Dios mao ang mohatag niining mga dapita ngadto sa gitagan-an niini.” Sa pagkabati niini sa napulo ka tinun-an, nangasuko sila kang Santiago ug kang Juan.
Magbasa nang higit pa