Juan 15:26-16:4

 Ang Santos nga Ebanghelyo sumala ni San Juan 15:26-16:4 (Mon. May 15, 2023)

“Moanhi ang Magtatabang nga mao ang Espiritu nga nagpadayag sa kamatuoran nga gikan sa Amahan. Ipadala Ko Siya gikan sa Amahan ug magsaksi Siya mahitungod Kanako. Ug magsaksi usab kamo mahitungod Kanako kay kamo uban man Kanako sukad pa sa sinugdan. “Gisulti Ko kini kaninyo aron dili kamo mawad-an sa inyong pagtuo. Hinginlan kamo nila gikan sa mga sinagoga ug moabot ang panahon nga ang magpatay kaninyo magtuo nga nagbuhat siya sa kabubut-on sa Dios. Kini ilang buhaton kaninyo kay wala man sila makaila sa Amahan ug Kanako. Apan gisultihan Ko kamo niini aron nga inigbuhat nila niini, inyong mahinumdoman ang gisulti Ko kaninyo. Wala Ko kamo sultihi niining mga butanga sa sinugdan, kay Ako uban pa man kaninyo. 

Pamalandong :

NGANONG ADUNA MAY MANGLUTOS SA MGA KRISTIYANOS ? 

Si Kristo nagpasidaan nang daan : “Hinginlan kamo nila sa mga sinagoga ; gani moabot ang takna nga si bisan kinsa nga mopatay kaninyo magtoo nga nag-alagad siya sa Diyos.” Nasayod kita nga hangtod karon adunay mga tawo nga mopatay og mga Kristiyanos sa ngalan sa Dios. Para kanatong nagsimba og Dios nga mahigugmaon, lisod sabton ang ilang hunahuna ug binuhatan. Si Jesus miingon, “Buhaton nila kini tungod kay sila wala makaila sa Amahan ni Kanako.” Nga sa ato pa, gibuhat nila ang pagpatay sa mga Kristiyanos tungod kay wala man sila makaila sa tinuod nga Dios. Apan, luyo sa mga pagpanglutos, ang simbahan nagpabiling buhi ug lig-on. Matod pa sa usa ka magsusulat, “Christianity is like a nail. The harder you strike, the deeper it goes.”

pohsiBtebAyU