Marcos 16:9-25

 Ang Santos nga Ebanghelyo sumala ni San Marcos 16:9-15 (Sat. Apr. 15, 2023)

Human mabanhaw si Jesus sayo sa unang adlaw sa semana, mipakita Siya pag-una kang Maria Magdalena. Kaniadto gihinginlan ni Jesus ang pito ka yawa nga diha sa maong babaye. Unya milakaw si Maria ug gipahibalo niya ang iyang mga kauban nga nagsubo ug naghilak. Sa pagkadungog nila nga si Jesus nabuhi ug nga si Maria nakakita Kaniya, wala sila motuo. Human niini, mipakita si Jesus sa laing paagi ngadto sa duha kanila samtang naglakaw sila padulong sa gawas sa siyudad. Namalik sila ug nanugilon sa uban apan wala sila tuohi. Sa kataposan, mipakita si Jesus sa napulog-usa ka tinun-an samtang nangaon sila. Gisaway Niya sila tungod sa ilang pagkakulang sa pagtuo ug pagkagahi sa ilang ulo kay wala man sila motuo niadtong nakakita Kaniya nga nabanhaw. Miingon Siya kanila, “Panglakaw kamo sa tibuok kalibotan ug isangyaw kining Maayong Balita ngadto sa tanang mga tawo.

Pamalandong :

NGANONG KINAHANGLAN NATONG ISANGYAW ANG EBANGHELYO ? 

Si Oswald J. Smith nag-ingon, “We talk of the Second Coming of Christ ; but, half of the world has never heard of the first.” Sakto siya. Daghan kaayo ang mga tawo nga wala pa makadungog mahitungod kang Kristo. Dinhi sa ato, daghan na ang nakabati sa Ebanghelyo, apan wala kini magpasabot nga sila nakaila na sa tinuoray kang Kristo, o kaha nakasinati na sa gugma sa Dios. Sa pagkatinuod, ang atong katilingban nanginahanglan pa'g daghan kaayong magsasangyaw sa Dios. Mao na kini ang insaktong panahon nga atong tubagon ang sugo sa Nabanhaw'ng Ginoo : “Panglakaw kamo sa tibuok kalibotan ug isangyaw kining Maayong Balita.” Ang mga pulong ni San Pablo makadasig : “How beautiful are the feet of them that preach the gospel of peace and bring glad tidings…” (Roman 10:15).

pohsiBtebAyU