Juan 3:1-8

 Ang Santos nga Ebanghelyo sumala ni San Juan 3:1-8 (Mon. Apr. 17, 2023)

May usa ka pangulo sa mga Judio nga ginganlag Nicodemo nga usa ka sakop sa pundok sa mga Pariseo. Usa ka gabii niana miadto siya kang Jesus ug miingon Kaniya, “Rabi, nasayod kami nga Ikaw usa ka magtutudlo nga pinadala sa Dios. Walay tawo nga makahimo sa mga milagro nga Imong gipamuhat gawas kon ang Dios mag-uban Kaniya.” Si Jesus mitubag, “Sultihan Ko ikaw : walay makakita sa Gingharian sa Dios gawas kon siya matawo pag-usab.“ Unsaon man pagkatawo pag-usab sa usa ka tawo nga tigulang na ? Makasulod pa ba diay siya sa tiyan sa iyang inahan aron magpakatawo pag-usab ?” nangutana si Nicodemo. Si Jesus mitubag, “Sultihan Ko ikaw : walay makasulod sa Gingharian sa Dios gawas kon matawo siya pinaagi sa tubig ug sa Espiritu. Ang gianak sa tawo, tawo usab. Ug ang gianak sa Espiritu, espiritu usab. Ayaw ikahibulong nga Ako nag-ingon kanimo nga kinahanglan magpakatawo kamo pag-usab. Ang hangin mohuros bisan asa kini buot mopadulong ; madungog mo ang paghuros niini, apan wala ka mahibalo diin kini gikan o asa kini padulong. Sama usab niini ang tanan nga matawo pinaagi sa Espiritu.”

Pamalandong :

SA UNSA MANG PAAGIHA NGA ANG TAWO MAKASULOD SA LANGIT ? 

Si Jesus miingon kang Nicodemo : “Walay makakita sa Gingharian sa Dios gawas kon siya matawo pag-usab.” Unsa may gipasabot Niya sa mga pulong “matawo pag-usab”? Labing siguro, wala kini magpasabot og “ lawasnong pagkahimugso” kay dili man posible sa tawo nga matawo pag-usab gikan sa iyang ginikanan. Ang “matawo pag-usab” mao ang Espirituhanong pagkahimugso nga mahitabo sa usa ka binuhat nga mabunyagan o modawat kang Kristo ug magpuyo'g bag-ong kinabuhi nga subay sa Iyang panig-ingnan. Ang “pagkatawo og usab” mahitabo tungod sa lihok sa Espiritu Santo. Pinaagi niini, kita mamahimong sakop sa usa ka katilingban diin ang Dios gisimba'g gisunod, diin ang katarong, kalinaw ug kalipay maoy maghari (Roma 14:17). Matod pa ni David Jeremiah, "Many Christians have the mistaken notion that eternal life begins when they die. But that is not biblically accurate. Eternal life begins when we are born again into the Kingdom of God."

pohsiBtebAyU