Juan 8:51-59

 Ang Santos nga Ebanghelyo sumala ni San Juan 8:51-59 (Thu. Mar. 30, 2023)

Sultihan Ko kamo : ang magtuman sa Akong gisulti dili gayod mamatay.” Ang mga Judio miingon Kaniya, “Karon natino na gayod namo nga giyawaan Ka ! Si Abraham ug ang mga propeta nangamatay apan nag-ingon Ka, ‘Ang magtuman sa Akong gisulti dili gayod mamatay.’ Ayaw kamig ingna nga labaw Ka pa kang Abraham ? Namatay siya ingon man ang mga propeta ! Si kinsa Ka ba sa Imong paghunahuna ?” Si Jesus mitubag, “Kon pasidunggan Ko ang Akong kaugalingon, walay bili ang Akong dungog. Ang nagpasidungog Kanako mao ang Akong Amahan nga inyong giingon nga inyong Dios. Wala gayod kamo makaila Kaniya apan Ako nakaila Kaniya. Kon moingon Ako nga wala Ako makaila Kaniya, mahimo Akong bakakon sama kaninyo. Apan nakaila Ako Kaniya ug nagtuman sa Iyang sugo. Ang inyong amahan nga si Abraham nalipay nga makakita siya sa adlaw sa Akong pag-anhi. Nakita niya kini ug nalipay siya.” Ang mga tawo miingon Kaniya, “Wala pa gani kay 50 ka tuig unya nakita Mo na si Abraham?” Si Jesus mitubag, “Sultihan Ko kamo : wala pa gani matawo si Abraham, ‘Ako mao na.’ ” Ug namunit silag mga bato aron ilang batoon si Jesus apan mitago Siya ug mibiya sa Templo.

Pamalandong :

UNSA MANG MATANGA SA KAMATAYON ANG ANGAY NATONG KAHADLOKAN ?

Adunay duha ka klase sa kamatayon : Ang una mao ang kamatayong lawasnon, nga masinati sa tanang mga tawo ning kalibotan ; Ang ikaduha mao ang kamatayong espirituhanon, nga maoy atong dangatan kon kita magpabilin diha sa pagpakasala. Ang naulahing matang sa kamatayon mao ang gihisgotan ni Jesus sa Iyang pag-ingon, “Ang magtuman sa Akong gisulti dili gayod mamatay.” Nga sa ato pa, kon kita mosunod sa Iyang mga kasugoan, dili gayod kita makasinati og kamatayong espirituhanon. Adunay nag-ingon, “Many people die at 25 and aren’t buried until they are 75.” Adunay mga tawo nga buhi pa ang lawas, pero patay na ang espiritu bisan sa ilang kabatan-on tungod sa pagpakasala ; ang uban tungod sa kawalay pagtoo ug paglaum.

pohsiBtebAyU