Marcos 8:1-10

 Ang Santos nga Ebanghelyo sumala ni San Marcos 8:1-10 (Sat. Feb. 11, 2023)

Sa lain na usab nga higayon may dakong panon sa mga tawo nga nagkatapok. Wala na silay pagkaon busa gipaduol ni Jesus Kaniya ang Iyang mga tinun-an ug giingnan, “Naluoy Ako niining mga tawhana kay tulo na karon ka adlaw nga mikuyog sila Kanako ug wala na silay makaon. Kon papaulion Ko sila nga walay kaon panguyapan sila sa dalan kay ang uban kanila gikan ra ba sa layo.” Nangutana Kaniya ang Iyang mga tinun-an, “Asa man kita mokuha ug pan aron ikapakaon niining mga tawhana ? Awaaw kining dapita ! “Pila ba ka buok ang inyong pan ?” nangutana si Jesus kanila. “Pito,” mitubag sila. Unya gipalingkod ni Jesus sa yuta ang mga tawo. Gikuha Niya ang pito ka pan ug nagpasalamat Siya sa Dios. Human niini, gipikaspikas Niya ang pan ug gihatag ngadto sa Iyang mga tinun-an aron ilang iapod-apod sa mga tawo. Gituman kini sa mga tinun-an. May pipila usab sila ka gagmayng isda. Gipanalanginan kini ni Jesus ug gipaapod-apod sa Iyang mga tinun-an ngadto sa mga tawo. Nangaon ang tanan ug nangabusog. Mga 4,000 silang tanan. Pito ka bukag ang salin nga nahipos sa mga tinun-an. Unya gipapauli ni Jesus ang mga tawo ug misakay dayon Siya sa sakayan uban sa Iyang mga tinun-an ug miadto sa yuta sa Dalmanuta.

Pamalandong :

UNSA MAN KINING HIYAS SA PAGKA-RESPONSABLE ? 

Human makasala sila Adan ug Eba sa Paraiso ug sa dihang gipangutana sila sa Dios, walay niangkon sa ilang duha. Si Adan nagpasangil kang Eba, ug si Eba nagpasangil sa bitin. Mao kini ang batasan sa mga tawong iresponsable – dili motuman sa kasugoan ug dili modawat og kasaypanan. Samtang ang tawo nga responsable masaligan, mobuhat sa angay, ug motuman sa katungdanan. Ang Ebanghelyo karon naghatag kanato'g ehemplo sa pagkaresponsable diha kang Jesus. Ang mga tawo nga nagsunodsunod Kaniya giabot nag kagutom. Ang pinakasayon nga buhaton mao ang pagpapauli sa mga tawo ug pasagdan silang mangita'g pagkaon. Apan wala kini buhata ni Kristo. Giatubang Niya ang katungdanan, gidasig ang mga tinun-an sa pagpaambit, ug ilang gipakaon ang mga tawo. Matod pa ni Dalai Lama, " Our prime purpose in life is to help others. And if you cannot help them, at least don't hurt them."

pohsiBtebAyU


Mga Komento

Mag-post ng isang Komento

Mga sikat na post sa blog na ito

Marcos 8:27-35

Imahe
 Ang Santos nga Ebanghelyo sumala ni San Marcos 8:27-35 (Sun. Sept. 15, 2024 Ikakawhaag-Upat nga Domingo sa Ordinaryong Panahon) Unya si Jesus ug ang Iyang mga tinun-an miadto sa mga balangay sa Cesarea Filipo. Samtang naglakaw sila Iyang gipangutana ang Iyang mga tinun-an, “Kinsa man kuno Ako sumala sa mga tawo?” Mitubag sila, “Ang uban miingon nga Ikaw mao si Juan nga Magbubunyag. Ang uban usab miingon nga Ikaw mao si Elias. Ug miingon pa gayod ang uban nga Ikaw usa sa mga propeta.” Apan kamo, unsa may inyong ikasulti ? Kinsa man Ako ?” Nangutana si Jesus kanila. Ug mitubag si Pedro, “Ikaw mao ang Mesiyas.” Unya gidid-an sila ni Jesus sa pagpanugilon kang bisan kinsa mahitungod Kaniya. Unya gisuginlan ni Jesus ang Iyang mga tinun-an nga mag-antos pag-ayo ang Anak sa Tawo ug isalikway Siya sa mga pangulo sa mga Judio ingon man sa kadagkoan sa mga pari ug sa mga magtutudlo sa Balaod. Patyon Siya apan sa ikatulo ka adlaw mabanhaw. Gisulti Niya kini sa Iyang mga tinun-an sa walay lipudli
Magbasa nang higit pa

Marcos 12:28-34

Imahe
 Ang Santos nga Ebanghelyo sumala ni San Marcos 12:28-34 ( Sun. Nov. 3, 2024) Unya didtoy usa ka magtutudlo sa Balaod nga nakabati sa panaglalis nila. Nakita niya nga maayo ang pagkatubag ni Jesus sa mga Saduseo busa miduol siya Kaniya ug nangutana, “Unsa mang sugoa ang labing mahinungdanon sa tanan ?” Mitubag si Jesus, “Mao kini ang labing mahinungdanong sugo : ‘Pamati, Israel ! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog.' Ang sunod mao kini : ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” Ang magtutudlo sa Balaod miingon kang Jesus, “Husto kana, Magtutudlo ! Tinuod ang Imong gisulti nga ang Ginoo lamang maoy Dios ug wala nay laing Dios gawas Kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan,
Magbasa nang higit pa

Marcos 10:35-45

Imahe
 Ang Santos nga Ebanghelyo sumala ni San Marcos 10:35-45 (Sun. Oct. 20, 2024) Unya si Santiago ug si Juan nga mga anak ni Sebedeo miduol kang Jesus ug miingon, “Magtutudlo, aduna kami ipabuhat Kanimo.” “Unsa may ipabuhat ninyo Kanako ?” nangutana si Jesus kanila. Mitubag sila, “Kon molingkod Ka na unya sa Imong trono didto sa Imong gingharian nga mahimayaon, palingkora kami uban kanimo : ang usa sa Imong tuo ug ang usa sa Imong wala.” Miingon si Jesus kanila, “Wala kamoy kalibotan sa inyong gipangayo. Makainom ba kamo sa kupa sa pag-antos nga Akong imnan ? Makapabunyag ba kamo sa paagi nga Ako bunyagan ?” “Oo,” mitubag sila. Miingon si Jesus kanila, “Makainom gayod kamo sa kupa nga Akong imnan ug makapabunyag kamo sa paagi nga Ako bunyagan. Apan wala Akoy katungod sa pagpili kon kinsa ang palingkoron sa Akong tuo ug sa Akong wala. Ang Dios mao ang mohatag niining mga dapita ngadto sa gitagan-an niini.” Sa pagkabati niini sa napulo ka tinun-an, nangasuko sila kang Santiago ug kang Juan.
Magbasa nang higit pa