Lukas 7:24-30

 Ang Santos nga Ebanghelyo sumala ni San Lukas 7:24-30 (Thu. Dec. 15, 2022)

Apan sultihan Ko kamo nga walay propeta nga dawaton sa iyang kaugalingong lungsod. Pamati kamo Kanako : daghang mga biyuda sa Israel sa panahon ni Elias sa dihang walay ulan sulod sa tulo ka tuig ug tunga ug may dakong gutom sa tibuok yuta. Apan wala ipadala si Elias ngadto sa bisan usa kanila kondili ngadto hinuon sa biyuda sa Sarefat sa kayutaan sa Sidon. Ug may daghan usab nga sanlahon sa Israel sa panahon ni propeta Eliseo apan wala siyay bisan usa kanila nga giayo gawas kang Naaman nga taga-Siria.” Sa pagkadungog nila niini, nangasuko pag-ayo ang tanan nga didto sa sinagoga. Nanindog sila ug ilang giguyod si Jesus ngadto sa gawas sa lungsod ug gidala ngadto sa tumoy sa bungtod diin natukod ang ilang lungsod aron ihulog Siya sa pangpang. Apan miagi Siya sa taliwala sa katawhan ug mipahilayo.

Pamalandong :

TAGDON BA NATO ANG MGA TAWONG DILI SAMA KANATO’G PAGTOO ? 

Si Jonathan Swift nag-ingon : “We have enough religion to make us hate, but not enough to make us love one another.” Nasulti niya kini tungod sa panag-away ug pagpinatyanay sa mga tawo tungod sa relihiyon. Ang mga relihiyon nga nagtudlo og gugma mao na hinoon ang hinungdan sa panagbingkil ug pagdumtanay sa mga tawo. Diha sa Ebanghelyo, si Jesus naghisgot mahitungod kang propeta Elias nga gipadala sa Dios aron pag-atiman sa usa ka paganong biyuda ug kang propeta Eliseo nga gigamit sa Dios aron pag-ayo sa pagano nga si Naaman. Dinhi gitudloan kita ni Jesus nga ang gugma sa Dios para sa tanan, dili lang para sa mga Hudiyo. Angay nga magrespetohay ang mga tawo, bisan lain-laig relihiyon, tungod kay kitang tanan mga anak man sa Dios. Matod pa ni Mahatma Gandhi, Religions are different roads converging to the same point. What does it matter that we take different road, so long as we reach the same goal. Wherein is the cause for quarreling ? 

pohsiBtebAyU