Juan 5:33-36

 Ang Santos nga Ebanghelyo sumala ni  San Juan 5:33-36 (Fri. Dec. 16, 2022)

Gipadala ninyo ang inyong mga sinugo ngadto kang Juan ug misaksi siya mahitungod sa kamatuoran. Hinuon wala Ako magkinahanglan sa pagsaksi sa tawo. Gisulti Ko lamang kini aron kamo maluwas. Si Juan sama sa suga nga nagsiga ug nagdan-ag ug gikalipay ninyo ang  pagpahimulos sa makadiyot sa iyang kahayag. Apan may nagsaksi mahitungod Kanako nga labaw pa sa gibuhat ni Juan. Ang mga buhat nga gipabuhat Kanako sa Akong Amahan mao ang nagsaksi mahitungod Kanako nga gipadala Ako sa Amahan.    

Pamalandong :

UNSAON MAN NATO PAGKAHIMONG TIGPAMATUOD KANG KRISTO ? 

Gipamatud-an ni Jesus ang Iyang pagka-Anak sa Dios pinaagi sa mga buhat nga Iyang gipanghimo, apil niini ang daghang mga milagro ug ang mga pagtulon-an nga nagpadayag sa kabubut-on sa Iyang Langitnong Amahan. Sama kang Juan, kita gitawag nga magpamatuod ug magpaila kang Kristo ngadto sa tanang katawhan, pinaagi sa pulong ug binuhatan. Atong dalhon si Kristo, ang kahayag sa atong kinabuhi, aron sama sa mga lampara nga gasiga, kita maghatag og lamdag sa kalibotan. Ning panahon sa kapaskohan, atong mapamatud-an si Kristo pinaagi sa pagpakighiuli ug pagpasaylo sa mga kaaway ug sa pagpaambit og mga grasya ngadto sa mga kabos. Hinumduman nato: “Real witnesses for Jesus do not just observe people in need, they help.”

pohsiBtebAyU