Lukas 21:1-4

 Ang Santos nga Ebanghelyo sumala ni San Lukas 21:1-4 (Mon. Nov. 21, 2022)

Mitan-aw si Jesus sa palibot ug nakita Niya ang mga dato nga nanghulog sa ilang mga gasa sa panudlanan sa Templo. Nakita usab Niya ang usa ka biyuda nga kabos kaayo nga naghulog ug duha ka gagmayng sinsilyo. Miingon si Jesus, “Sultihan Ko kamo nga mas dako ang gihatag niining kabos nga biyuda kay kanilang tanan. Kay ang uban naghalad man sa ilang mga gasa nga sobra sa ilang bahandi apan siya, bisan pa sa iyang kakabos, mihatag sa tanan nga iyang gikabuhian.”

Pamalandong :

UNSA MAY MAKAPAHIMONG BILILHON SA USA KA GASA O HALAD? 

Gidayeg ni Jesus ang biyuda nga mihulog og duha ka sensilyo sa panudlanan sa templo, apan gisaway Niya ang mga adunahan nga nanghalad og dagkong kantidad. Para sa Ginoo, dili ang gidak-on sa halad maoy sukdon kondili ang gidak-on sa kasingkasing sa naghatag. Ang gasa nga nagagikan sa mga tawong tigpakaaron-ingnon ug mapasigarbohon walay bili atubangan sa Ginoo bisan pag kini dagko kaayo. Ang gasa sa biyuda gamay ra apan bililhon tungod kay giubanan kini niya’g dakong gugma ug pagsakripisyo. Sakto si Crystal Paine sa pag-ingon : “It is easy to give from our abundance, but true giving requires sacrifice.” Sa sunod natong pagdala’g halad para sa Dios o sa isigkatawo, hinumduman nato ang pobreng biyuda nga gidayeg sa Ginoo.

pohsiBtebAyU