Lukas 20:27-38

 Ang Santos nga Ebanghelyo sumala ni San Lukas 20:27-38 (Sun. Nov. 6, 2022 Ikakatloag-Duha Nga Domingo Sulod Sa Tuig)

May mga Saduseo nga miduol kang Jesus. (Mao kini sila ang nag-ingon nga ang mga patay dili mabanhaw.) Nangutana sila Kaniya, “Magtutudlo, nagsulat si Moises niining balaod alang kanato : ‘Kon ang usa ka tawo mamatay ug may asawa nga nahibilin apan walay anak, ang igsoon niadtong tawhana kinahanglan mangasawa sa biyuda aron manganak sila alang sa namatay.’ May pito ka magsoong lalaki. Ang kamagulangan naminyo ug namatay nga walay anak. Unya ang ikaduhang igsoon nangasawa sa biyuda ingon man ang ikatulo hangtod nga ang pito ka magsoon nakapangasawa sa babaye ug nangamatay silang tanan nga walay anak. Sa kataposan ang babaye namatay. Unya, sa adlaw nga banhawon na ang mga patay, kang kinsa man siyang asawa nga silang tanan nakapangasawa man kaniya ?” Si Jesus mitubag kanila, Magminyoay ang mga lalaki ug babaye niining panahona apan ang mga lalaki ug babaye nga angay banhawon ug magkinabuhi sa umaabot nga panahon dili na magminyoay. Mahisama na sila sa mga anghel ug dili na mamatay. Mga anak sila sa Dios kay gibanhaw man sila. Ug klaro nga gipamatud-an ni Moises nga banhawon ang mga patay. Diha sa bahin nga nagsaysay mahitungod sa sampinit nga nagdilaab, naghisgot siya mahitungod sa Ginoo nga mao ‘ang Dios ni Abraham, Dios ni Isaac ug Dios ni Jacob.’ Nagpasabot kini nga Siya mao ang Dios sa mga buhi ug dili sa mga patay kay alang Kaniya ang tanan buhi.”

Pamalandong :

UNSA MAY KAPAINGNAN SA ATONG KINABUHI ? 

Sa may ganghaan sa karaang sementeryo, adunay nakasulat, “Dinhi matapos ang tanan !” Tinuod ba nga sa lubnganan matapos kitang tanan ? Ang mga Saduseo wala nagtuo og pagkabanhaw tungod kay kini wala nahisulat sa libro ni Moises. Gawas niana, ang ilang hunahuna ug kasingkasing kalibotanon kaayo, ug dili nila mahulagway ang langit. Apan, para kanatong mga Kristiyano, ang kalibotan usa lamang ka temporaryong puloy-anan tungod kay kita gibuhat dili man para niini kondili para sa Diosnong himaya (Isaias 43:7). Si Kristo nag-ingon, “Ako ang pagkabanhaw ug ang kinabuhi. Ang nagtuo Kanako, bisan tuod siya mamatay, mabuhi. Ug ang tanan nga buhi nga nagtuo Kanako dili gayod mamatay” (Juan 11:25). For the believer, “There is no death. Only a change of worlds.”

pohsiBtebAyU


Mga Komento

Mag-post ng isang Komento

Mga sikat na post sa blog na ito

Marcos 8:27-35

Imahe
 Ang Santos nga Ebanghelyo sumala ni San Marcos 8:27-35 (Sun. Sept. 15, 2024 Ikakawhaag-Upat nga Domingo sa Ordinaryong Panahon) Unya si Jesus ug ang Iyang mga tinun-an miadto sa mga balangay sa Cesarea Filipo. Samtang naglakaw sila Iyang gipangutana ang Iyang mga tinun-an, “Kinsa man kuno Ako sumala sa mga tawo?” Mitubag sila, “Ang uban miingon nga Ikaw mao si Juan nga Magbubunyag. Ang uban usab miingon nga Ikaw mao si Elias. Ug miingon pa gayod ang uban nga Ikaw usa sa mga propeta.” Apan kamo, unsa may inyong ikasulti ? Kinsa man Ako ?” Nangutana si Jesus kanila. Ug mitubag si Pedro, “Ikaw mao ang Mesiyas.” Unya gidid-an sila ni Jesus sa pagpanugilon kang bisan kinsa mahitungod Kaniya. Unya gisuginlan ni Jesus ang Iyang mga tinun-an nga mag-antos pag-ayo ang Anak sa Tawo ug isalikway Siya sa mga pangulo sa mga Judio ingon man sa kadagkoan sa mga pari ug sa mga magtutudlo sa Balaod. Patyon Siya apan sa ikatulo ka adlaw mabanhaw. Gisulti Niya kini sa Iyang mga tinun-an sa walay lipudli
Magbasa nang higit pa

Marcos 12:28-34

Imahe
 Ang Santos nga Ebanghelyo sumala ni San Marcos 12:28-34 ( Sun. Nov. 3, 2024) Unya didtoy usa ka magtutudlo sa Balaod nga nakabati sa panaglalis nila. Nakita niya nga maayo ang pagkatubag ni Jesus sa mga Saduseo busa miduol siya Kaniya ug nangutana, “Unsa mang sugoa ang labing mahinungdanon sa tanan ?” Mitubag si Jesus, “Mao kini ang labing mahinungdanong sugo : ‘Pamati, Israel ! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog.' Ang sunod mao kini : ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” Ang magtutudlo sa Balaod miingon kang Jesus, “Husto kana, Magtutudlo ! Tinuod ang Imong gisulti nga ang Ginoo lamang maoy Dios ug wala nay laing Dios gawas Kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan,
Magbasa nang higit pa

Marcos 10:35-45

Imahe
 Ang Santos nga Ebanghelyo sumala ni San Marcos 10:35-45 (Sun. Oct. 20, 2024) Unya si Santiago ug si Juan nga mga anak ni Sebedeo miduol kang Jesus ug miingon, “Magtutudlo, aduna kami ipabuhat Kanimo.” “Unsa may ipabuhat ninyo Kanako ?” nangutana si Jesus kanila. Mitubag sila, “Kon molingkod Ka na unya sa Imong trono didto sa Imong gingharian nga mahimayaon, palingkora kami uban kanimo : ang usa sa Imong tuo ug ang usa sa Imong wala.” Miingon si Jesus kanila, “Wala kamoy kalibotan sa inyong gipangayo. Makainom ba kamo sa kupa sa pag-antos nga Akong imnan ? Makapabunyag ba kamo sa paagi nga Ako bunyagan ?” “Oo,” mitubag sila. Miingon si Jesus kanila, “Makainom gayod kamo sa kupa nga Akong imnan ug makapabunyag kamo sa paagi nga Ako bunyagan. Apan wala Akoy katungod sa pagpili kon kinsa ang palingkoron sa Akong tuo ug sa Akong wala. Ang Dios mao ang mohatag niining mga dapita ngadto sa gitagan-an niini.” Sa pagkabati niini sa napulo ka tinun-an, nangasuko sila kang Santiago ug kang Juan.
Magbasa nang higit pa