Mateo 1:1-16,18-23

 Ang Santos nga Ebanghelyo sumala ni San Mateo 1:1-16,18-23 (Thu. Sept. 8, 2022 Kapistahan sa Pagkatawo ni Birhen Maria)

Mao kini ang talaan sa kagikan ni Jesu-Cristo, kaliwat ni Haring David nga kaliwat ni Abraham.

Gikan kang Abraham ngadto kang Haring David mao ang mosunod nga mga kaliwatan :

Abraham, amahan ni Isaac

Isaac, amahan ni Jacob

Jacob, amahan ni Juda ug sa iyang mga igsoon

Juda, amahan ni Perez ug ni Zera (si Tamar ang ilang inahan) 

Perez, amahan ni Hezron

Hezron, amahan ni Aram

Aram, amahan ni Aminadab

Aminadab, amahan ni Naason

Naason, amahan ni Salmon

Salmon, amahan ni Boas (si Rahab ang iyang inahan)

Boas, amahan ni Obed (si Ruth ang iyang inahan)

Obed, amahan ni Jesse

Jesse, amahan ni David nga hari

Gikan kang Hari David hangtod sa panahon sa pagkabihag sa mga Israelita ngadto sa Babilonia mao ang mosunod :

Hari David, amahan ni Solomon (ang iyang inahan asawa kanhi ni Urias)

Solomon, amahan ni Rehoboam

Rehoboam, amahan ni Abias

Abias, amahan ni Asa

Asa, amahan ni Josafat

Josafat, amahan ni Joram

Joram, amahan ni Uzias

Uzias, amahan ni Jotam

Jotam, amahan ni Ahaz

Ahaz, amahan ni Ezequias

Ezequias, amahan ni Manases

Manases, amahan ni Amon

Amon, amahan ni Josias

Josias, amahan ni Joaquin ug sa iyang mga igsoon.

Gikan sa pagkabihag sa mga Israelita ngadto sa Babilonia hangtod nga natawo ang Mesiyas mao ang mosunod :

Jeconias, amahan ni Salatiel

Salatiel, amahan ni Zerubabel

Zerubabel, amahan ni Abiud

Abiud, amahan ni Eliakim

Eliakim, amahan ni Hazor

Asor, amahan ni Sadok

Sadok, amahan ni Aquim

Aquim, amahan ni Eliud

Eliud, amahan ni Eleazar

Eleazar, amahan ni Matan

Matan, amahan ni Jacob

Jacob, amahan ni Jose

Jose (bana ni Maria nga maoy inahan ni Jesus nga giilang Mesiyas).

Mao kini ang kaagi sa pagkatawo ni Jesu-Cristo. Ang Iyang inahan nga si Maria niadtong panahona gitakda nga maminyo kang Jose. Apan sa wala pa sila magtipon nakamatikod si Maria nga nagsabak Siya pinaagi sa gahom sa Espiritu Santo. Si Jose nga Iyang pamanhonon tawo nga matarong ug dili buot nga pakaulawan niya si Maria atubangan sa mga tawo. Busa nagplano siya sa pagpakigbulag Kaniya sa hilom. Samtang naghunahuna siya niini, mipakita kaniya ang usa ka anghel sa Ginoo pinaagi sa damgo ug miingon, “Jose, kaliwat ni David, ayaw kahadlok sa pagpangasawa kang Maria kay Siya nagsabak pinaagi sa gahom sa Espiritu Santo. Manganak Siya'g batang lalaki ug nganli siya'g Jesus kay luwason Niya ang Iyang katawhan gikan sa ilang kasal-anan.”Ug kining tanan nahitabo aron matuman ang giingon sa Ginoo pinaagi sa propeta, “Ang usa ka putli nga batan-ong babaye magsabak unya manganak ug batang lalaki. Nganlan Siya'g Immanuel” (nga sa ato pa, “Ang Dios ania uban kanato”).

Pamalandong :

NGANONG ATO MANG SAULOGON ANG ADLAW’NG NATAWHAN SA MAHAL NGA BIRHEN MARIA ? 

Ang mga Santos pasidunggan sa kasumaran sa adlaw sa ilang kamatayon, dili sa ilang natawhan. Ang ilang kamatayon maoy giisip nga adlaw sa ilang pagkahimugso sa bag-ong kinabuhi didto sa langit. Apan, si Santa Maria pasidunggan sa Simbahan ning kasumaran sa Iyang adlaw’ng natawhan tungod kay Siya aduna may talagsaong papel sa kinabuhi sa Ginoo. Ang pagkahimugso ni Maria gipakasama sa kadlawon. Sa pagbanagbanag sa kapanganoran, nasayod kita nga mogawas na ang adlaw sa dili madugay. Sa samang paagi, ang pagkatawo ni Maria nagdala og dakong kalipay sa kalibotan. Ang Iyang pagkahimugso nagpasabot nga ang Anak sa Dios, ang Manunubos, hapit na muabot. Matod pa sa mga balaang tawo ; "The honor of Mary is so intimately connected with the honor and glory of Jesus that to deny the one is at the same time a denial of the other.” So, always stay close to this Heavenly Mother, because she is the sea to be crossed to reach the shores of Eternal Splendour.”

pohsiBtebAyU