Lukas 5:33-39

 Ang Santos nga Ebanghelyo sumala ni San Lukas 5:33-39 (Fri. Sept. 2, 2022)

Ug miingon sila kang Jesus, “Ang mga tinun-an ni Juan kanunay nga nagpuasa ug nag-ampo, ingon man ang mga tinun-an sa mga Pariseo. Apan ang Imong mga tinun-an nangaon ug nanginom.” Si Jesus mitubag, “Papuasahon ba ninyo ang mga dinapit sa kombira sa kasal samtang kauban pa nila ang pamanhonon ? Dili gayod ! Apan moabot ang panahon nga ang pamanhonon kuhaon ug niadtong adlawa magpuasa na sila.” Unya gisuginlan usab sila ni Jesus niining sambingaya : “Walay tawo nga magtabas ug usa ka bahin sa bag-ong bisti aron itapak sa daang bisti kay kon buhaton niya kini madaot ang bag-ong bisti ug ang gitapak dili mobagay sa daan. Ug walay magsulod ug bag-ong bino diha sa mga daang sudlanan nga panit. Kon buhaton niya kini, ang bag-ong bino makagisi sa daang panit ug unya madaot ang sudlanan ug mausik ang bino. Kinahanglan nga ang bag-ong bino maoy isulod sa bag-ong sudlanan. Walay tawo nga mangandoy sa bag-ong bino tapos siya makainom sa daang bino. Moingon siya, ‘Mas maayo gayod ang daang bino.’”

Pamalandong :

UNSA MAY GIPASABOT SA GIINGON NI JESUS, “WALAY TAWO NGA MAGSULOD OG BAG-ONG BINO DIHA SA MGA DAANG SUDLANAN NGA PANIT”? 

Ang bag-ong bino mao ang mga pagtulon-an ni Jesus nga maghatag og tinuod nga kalipay sa mga tawo nga mosunod niini. Ang daang sudlanan mao ang naandang panghunahuna ug kasingkasing.  Ang mga Pariseo ug magtutudlo sa Balaod naglisod sa pagsabot ug pagdawat kang Jesus tungod kay nagpabilin man sila sa ilang naandang paagi sa pag-ila ug pagsimba sa Dios. Kasagaran kanila naghunahuna nga ang Dios layo sa tawo, daling masuko ug gahing magpasaylo. Apan dili ingon niini ang Dios nga gipaila kanato ni Jesus. Siya ang katumanan sa giingon sa Salmista : “The Lord is good ; His steadfast love endures forever, and His faithfulness to all generations.”

pohsiBtebAyU