Mateo 19:23-30

 Ang Santos nga Ebanghelyo sumala ni San Mateo 19:23-30 (Tue. Aug. 16, 2022)

Unya miingon si Jesus sa Iyang mga tinun-an, “Sultihan Ko kamo nga malisod kaayo sa usa ka dato ang pagsulod sa Gingharian sa langit. Usbon ko : mas lisod alang sa usa ka dato ang pagsulod sa Gingharian sa Dios, kay sa usa ka kamelyo paglusot sa lungag sa dagom.” Sa pagkadungog niini sa mga tinun-an nahibulong sila pag-ayo. Busa nangutana sila, “Unya, kinsa ra man diay ang maluwas ?” Si Jesus mitutok kanila ug mitubag, “Kini dili mahimo sa tawo ; apan mahimo sa Dios ang tanang butang.” Unya miingon si Pedro, “Ginoo, among gibiyaan ang tanan ug misunod kami Kanimo. Unsa may among mapaabot ?” Si Jesus miingon kanila, “Isulti Ko kini kaninyo : iniglingkod unya sa Anak sa Tawo sa Iyang mahimayaong trono diha sa Bag-ong Kalibotan, kamong napulog-duha ka tinun-an molingkod usab sa mga trono aron pagmando sa napulog-duha ka banay sa Israel. Ug ang tanan nga mibiya sa ilang balay, mga igsoon, amahan, inahan, mga anak o mga uma tungod Kanako makadawat ug labaw sa usa ka gatos ka pilo ug hatagan pa gayod siya'g kinabuhing dayon. Apan daghan sa nag-una karon maulahi ug daghan sa naulahi karon mahiuna.

Pamalandong :

GIPANGHIMANGNOAN NI JESUS ANG MGA DATO ? 

Adunay pipila ka mga posibleng rason niini. Una sa tanan, ang bahandi makapadasig sa tawo sa paghunahuna nga mabuhi na siya bisan wala ang Dios. Magsalig na siya sa iyang kwarta ug dili na mosangpit sa Ginoo. Dugang pa niini, ang bahandi makapahimo sa tawo nga garboso, laog, ug buta sa mga malisod nga kahimtang sa uban. Kini ang gihulagway ni Jesus sa sambingay mahitungod sa usa ka dato ug sa usa ka kabos nga si Lazaro (Lukas 16:19-31). Ang Ebanghelyo karon magdasig sa mga dato nga adto mosalig sa Dios, dili sa ilang bahandi, ug magmapaambiton sa ilang bahandi ngadto sa mga kabos. Nindot ang giingon ni  H. Jackson Brown Jr.  “Remember that the happiest people are not those getting more, but those giving more.”

pohsiBtebAyU