Mateo 16:24-28

 Ang Santos nga Ebanghelyo sumala ni San Mateo 16:24-28 (Fri. Aug. 5, 2022)

Unya miingon si Jesus sa Iyang mga tinun-an, “Kon ang usa ka tawo buot mahimong Akong tinun-an kinahanglang dili siya magtuman sa iyang kaugalingon, pas-anon niya ang iyang krus ug mosunod siya Kanako. Kay ang gustong magluwas sa iyang kaugalingong kinabuhi mawad-an hinuon niini. Apan ang mawad-an sa iyang kinabuhi tungod Kanako makabaton niini. May makuha ba ang tawo kon maangkon niya ang tibuok kalibotan apan kawad-an siya sa iyang kinabuhi ? Wala gayod ! Walay bisan unsa nga ikahatag ang tawo aron mabawi niya ang iyang kinabuhi. Kay ang Anak sa Tawo hapit na moabot uban sa himaya sa Iyang Amahan kinuyogan sa Iyang mga anghel ug unya balosan Niya ang tagsatagsa sumala sa iyang nabuhat. Hinumdomi kini : aniay pipila dinhi nga dili mamatay hangtod nga makit-an nila ang Anak sa Tawo nga moabot aron maghari.”

Pamalandong :

UNSA MAY MAHITABO SA TAWO NGA DILI MAKAMAONG MOPUGONG SA KAUGALINGONG KAILIBGON ? 

Ang kalaog nahimong kabahin sa samarang kinaiyahan sa tawo human matintal si Adan ug Eba. Tungod kay kini dili man apil sa unang plano sa Dios, ang kalaog magdala’g kadaot sa tawo. Pananglitan, ang tawo nga magpalabi’g kaon og tambok sa baboy maluya ug masakit. Ang tawo nga magpatuya’g inum og bino masakit usab. Aron magpabiling himsog ang lawas, kinahanglan ang pagdisiplina ug pagpugong sa kaugalingon. Bisan ang atong espirituhanong kinabuhi madaot usab kon kita laog kaayo. Ang kanunay’ng paghunahuna sa mga kalibotanong butang maoy makaguba sa atong relasyon sa Dios ug sa atong isigkaingon. Nindot ang pahimangno sa ebanghelyo : “"For what will it profit a man if he gains the whole world and forfeits his soul ?”

pohsiBtebAyU