Juan 10:22-30

 Ang Santos nga Ebanghelyo sumala ni San Juan 10:22-30 (Tue. May 10, 2022)

Ug miabot ang panahon sa pagsaulog sa Kasaulogan sa Paghalad didto sa Jerusalem. Tingtugnaw kadto ug naglakawlakaw si Jesus sa Beranda ni Solomon didto sa Templo. Mialirong ang mga tawo Kaniya ug miingon, “Kanus-a Mo man gayod kami sultihi sa klaro ? Tug-ani kami sa walay lipudlipod kon Ikaw ba gayod ang Mesiyas.” Si Jesus mitubag, “Gisultihan Ko na kamo, apan wala kamo motuo Kanako. Ang mga buhat nga Akong gihimo sa ngalan sa Akong Amahan mao ang Akong saksi. Apan dili kamo motuo tungod kay dili man kamo Akong mga karnero. Ang Akong mga karnero mamati sa Akong tingog. Nakaila Ako kanila ug sila nagsunod Kanako. Naghatag Ako kanila sa kinabuhing dayon ug dili na gayod sila mangamatay ug walay makaagaw kanila gikan Kanako. Ang Akong Amahan nga maoy naghatag kanila ngari Kanako labaw sa tanan, ug walay makaagaw kanila gikan sa Amahan. Ako ug ang Amahan usa ra.”

Pamalandong :

SA UNSANG PAAGIHA NATO MASUNOD SI KRISTO ?

Si Kristo miingon : "Ang Akong mga karnero mamati sa Akong tingog. Nakaila Ako kanila ug sila nagsunod Kanako." Ang labing unang lakang sa atong pagsunod kang Kristo mao ang pagpaminaw sa Iyang mga Pulong nga maoy pagkaon sa atong kalag ug maghatag kanato'g kinabuhing dayon. Mao kini ang kamatuoran nga wala mahatagi'g bili sa daghang mga binunyagan. Pila ra man kanato ang mobasa sa Bibliya ug mamalandong sa Pulong sa Diyos matag adlaw ? Pila ra man kanato ang interesadong maminaw sa mga magsasangyaw ni Kristo diha sa simbahan ? Sakto ang usa ka manunulat nga nagkanayon : " If the Word of God were a treasure map, I believe more people will read it. This proves they have no idea what unspeakable riches it holds."

pohsiBtebAyU